Eusko Jaurlaritzako Enpleguko eta Gizarte Politiketako sailak, Lanbiderekin batera, EAEtik kanpo lan egiten duten gazteak erakartzeko ekimen aintzindaria jarri du martxan

Eusko Jaurlaritzak, Euskal Unibertsitate Sistemako unibertsitateek, Confebaskek, ASLEk eta Konfekoopek euskal gazteak Euskal Autonomia Erkidegoan finkatuta dauden lan-zentroetara bueltatzeko programari zabalkundea emateko lankidetza-protokoloa sinatu dute. Hitzarmen horren baitan, sinatzaileek adostu dute gazteak bueltatzeko programari buruzko informazioari zabalkundea ematea, enplegu-aukerak antzematen lankidetzan jardutea eta programak eskaintzen dituen aukeren inguruan interesa izan dezaketen pertsonen aurrean sustapen zuzena eta pertsonalizatua egitea.

Enpleguko eta Gizarte Politiketako Sailak eta Lanbidek abian jarri duten programa aintzindaria da. Izan ere, aipatu programak kalitateko enplegua sustatzen du, betiere, beste herrialde edo autonomia-erkidego batean lanean ari diren 35 urtetik beherako gazteak Euskadira itzuli ahal izateko.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.