Datorren ekainaren 8an, 8:00etatik 14:00etara bitartean, Arriaga Antzokiak Bilbo Zaharra Euskaltegiak antolatzen duen Klasikoen Irakurketa Jarraituaren XV. edizioa hartuko du. Aurtengo edizioan, Ramon Saizarbitoriaren ‘Martutene’ eleberria irakurriko da.
Eleberri hori aukeratua izan da garai bati amaiera ematen diolako, 1989. Eta 2012 urteen artekoa hain zuzen ere. Euskal mundua definitzen duten diskurtso gehienak interpretatzeko bidea ematen duen lana da: antropologikoa, soziologikoa, euskalkiena eta herri txikienak, politikoa, indarkeria, gastronomikoa, artistikoa, musikala eta abar.
Saizarbitoria bera izango da eleberriko lehen lerroak irakurriko dituena. Ondoren, 200 pertsona inguru txandakatuko dira irakurketa jarraitua egiteko. Euskal gizarteko esparru guztietako jendeak irakurriko ditu pasarteak jendaurrean.
Gazteak
Berrikuntza gisa, aurten, Bilboko institutuetako ikasleek ere parte hartuko dute. Ikasle bakoitzak bi minutu inguruko pasartea irakurriko du eta horiek guztiak grabatuko dira Irakurketaren egunean proiektatzeko. Euskara ikasleak eta diasporako lagunak ere birtualki sartuko dira mundu osoan zehar diren 50 Euskal Etxeetatik.
Ramón Saizarbitoria (Donostia, 1944) euskal literatura modernoaren aintzidaritzat jotzen da eta 64ko belaunaldia deitutakoaren kidea da. Bere ibilbide literarioa 1969. Urtean hasi zen, ‘Egunero hasten delako’ eleberriarekin. Bere lan ezagunenen artean honako hauek aurkitzen dira: “Ehun metro” (1976), “Hamaika pauso” (1995) eta “Gorde nazazu lurpean” (2000). ‘Martutene’ eleberria 2012. urtean argitaratu zen. Martutene auzoan bizi diren bi bikoteen harremanak kontatzen ditu. Euskadi Literatura Saria jaso zuen eta, kritikari batzuen arabera, euskal literaturaren azken hamarkadetako nobelarik onena da.
