Aurten 100 urte bete dira Tutankamon faraoiaren hilobia aurkitu zenetik, historiako aurkikuntza arkeologiko ospetsuenetako bat. Aurkikuntza horren mendeurrena ospatzeko, Irungo Oiasso Museoak urte amaierara arte hainbat jarduera programatu ditu.
Euskal Herriko Unibertsitatearekin elkarlanean, Oiasso Museoak antzinako Egiptori eta hileta arkeologiari buruzko hainbat hitzaldi antolatu ditu. Horrela, ekainaren 17tik 19ra bitartean ospatuko diren Europako Arkeologia Jardunaldien markoan Myriam Seco Álvarez doktore prestigiotsuak “Tutmosis III.aren Milioi Urteko Tenpluaren aztarnategia 2008-2021” hitzaldia eskainiko du. Seco Álvarez doktorea da Historian, eta arkeologoa eta egiptologoa ere bada. Sevillako Unibertsitateko Historiaurrea eta Arkeologia Saileko irakasle elkartua eta Granadako Unibertsitateko Arte Ederren Fakultateko Marrazketa Masterreko irakasle gonbidatua da. Tutmosis III Temple Project proiektuaren zuzendaria da, eta arkeologia egiptoarreko tenplu harrigarrienetako bat hondeatzen du. Egipton indusketa arkeologikoetan esperientzia handia du, eta gai horri buruzko artikulu eta argitalpen ugari idatzi ditu.
Hitzaldia Oiasso Museoan izango da ekainaren 17an, 19:00etan. Sarrera librea izango da edukiera bete arte.
