Euskal gazteek euren gurasoak gaztetan baino hobeto bizi direla uste dute

Gazteen Euskal Behatokiak bildu dituen datuen arabera, euskal gazteriaren % 62k uste du euren gurasoek gaztetan zuten bizitza-egoera okerragoa zela. Pertzepzio horren inguruko datuak nabarmen hazi dira azken urteetan, baina oraindik krisi aurreko datuen azpitik dago. Datuek azaltzen dutenez, zenbat eta gazteago pertzepzioa positiboagoa da, hots, gazteenak dira gehienbat euren gurasoak baino hobeto bizi direla uste dutenak. Pertzepzio horretan eragin handia du ikasten edo lan bila egoteak. Horrela, langabezian diren gazteek ez dute hain garbi euren egoera bere gurasoena baino hobea denik. Ikasten dabiltzanen artean (20 urtetik beherakoen artean gehien-gehienak) % 70,8k uste du beren gurasoak gazte zirenean baino hobeto daudela; portzentaje hori % 50,6ra murrizten da lanean dabiltzanen artean eta are gehiago, % 42,6ra, langabezian daudenen artean.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.