ARNASGUNEEK ETORKIZUNEAN IZAN BEHAR DUTEN GARRANTZIA. Jardunaldien aurkezpenean Garbiñe Mendizabalek, Paul Bilbaok, Josu Labakak, Eneko Etxeberriak eta Ane Sarasuak, parte hartu zuten. © UEMA.eus

Arnasguneen kontuan prebentzioa izan da nagusi azken urteetan. Orain, berriz, garapenean sakondu beharra azpimarratu da

Pasa den urriaren 10ean, UEUko ikastaroen barruan, lurralde-antolakuntzaren eta hizkuntza-aldaketaren arteko harremana aztertu zuen jardunaldia ospatu zen Azpeitiako San Agustin Kulturgunean. Aurtengoa, gai hori jorratzen duen jardunaldien laugarren edizioa da, lehenengoa 2014. urtean ospatu zelarik. Aurreko hiru ediziotan ikusi ahal izan zenez, politika publiko guztietan hizkuntza-politika egiten da eta politika horiek guztiek euskararen normalizazio- prozesuan eragina izaten dute, zenbait kasutan, eragin hori negatiboa izan badaiteke ere. Eragin negatibo horren adibiderik garbiena euskararen arnasguneetan ikus daiteke.

Jardunaldian jorratutako gai guztiak zazpi ondorio nagusitan laburtu dituzte antolatzaileek: garapen egokiak jasangarria eta orekatua izan behar du; hizkuntza komunikazio eta harreman sozial guztietan azaltzen da eta, ondorioz, hizkuntzen normalizazio-prozesuetan eragiten dute; arnasguneen aldeko politikak gauzatu behar dira; arnasguneak subjektu juridiko gisa egituratu behar dira; arnasguneen inguruko ikerketa aplikatuko lerro berriak behar dira; Lurralde Antolaketarako Euskararen Plan Sektoriala garatzeko premia dago; eta, arnasguneetako euskaldunen kontzientzian eragin behar da.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.