Frantziara eta Maltara joango diren ikasleek hil honen amaieran hasiko dituzte euren praktikak.
© Navarra.es

Erdi eta Goi Mailako Lanbide Heziketako hogei bat ikasle nafarrek Erasmus+ egonaldiak hasiko dituzte urtarrilaren amaieran Alemania, Frantzia, Malta eta Portugal bezalako Europako hainbat herrialdetan. Horiek ikasturte honetan emango diren lehen irteerak izango dira, pasa den urteko irailean bidaiatu behar zuen taldeak etxean geratu behar izan baitzuen Covid-19 pandemiaren ondoriozko mugak zirela eta.

Frantziara eta Maltara joango diren ikasleek hil honen amaieran hasiko dituzte euren praktikak. Alemaniara joango diren ikasleen praktikak, berriz, otsailaren 15ean hasiko dira, eta Portugalera joango direnak otsailaren azken astean iritsiko dira herrialde horretara.Horiek guztiek hamabi asteko prestakuntza-egonaldiak osatuko dituzte aipatu herrialdeetan.

Hezkuntza Saileko Lanbide Heziketako zuzendaritza nagusiaren aurreikuspenen arabera, apirilean Goi eta Erdi Mailako 90 ikaslek Erasmus+ egonaldiak egin ahal izango dituzte Polonia, Malta, Portugal, Alemania, Irlanda, Frantzia eta Holandan. Gainera, Lanbide Heziketako irakasleentzako prestakuntza-mugikortasunak berreskuratzea aurreikusten da; 34 irakaslek egonaldiak egingo dituzte Holandan, Finlandian eta Alemanian. Egonaldi horietan, herrialde horietako lanbide-heziketan eta berrikuntzan erreferentzia diren ikastetxeetara egiten dira bisitak, bai eta sektore ekonomikoetako puntako enpresetara ere.

LEAVE A REPLY

Please enter your comment!
Please enter your name here

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.