30 urtetik beherako euskal gazteen % 33,1ek ez du seme-alabarik izan nahi

Gazteriaren Euskal Behatokiak sarean egin duen inkesta baten arabera, euskal gazteriak seme-labak izateko gero eta gogo gutxiago du. Inkestan jasotako datuek islatzen dutenez, Euskadin bizi eta oraindik guraso ez diren 30 urtetik beherako gazteen % 33,1ek ez du seme-alabarik izateko asmorik. Kopuru hori inoiz erregistratu den altuena da. Egunen batean seme-alabaren bat izatea nahiko lukeen % 66,9 horren barruan, % 33,1ek gogo handiak dituela adierazi du eta % 33,8k, berriz, gogo nahikoa. Seme-alabak izan nahi dituzten gazteen kopurua 2015. urteaz geroztik jaso den baxuena da. Urte horretan, guraso izan nahi zuten gazteen kopurua % 84,7koa zen.

Guraso izateko nahia handiagoa da emakumeen (% 35,9) artean gizonen (% 30,6) artean baino. Aldi berean, seme-alabak izateko nahia handiagoa da adinak gora egin ahala:  25-29 urte bitartekoen artean % 39,0 eta 15-19 urte bitartekoen artean, % 27,4. Emakumeen kasuan, gainera, adienean gora egin ahala seme-alabak izatea asko nahiko luketen horien kopurua nabarmen hazten da. Gizon gazteen kasuan, adinak gora egin ahala muturreko jarrera biak igotzen dira.

Leave a Reply

Zure e-posta helbidea ez da argitaratuko.

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.