Donostiako Fantasiazko eta Beldurrezko Zinemaren Asteak eta Molins de Reiko Beldurrezko Zinemaren Jaialdiak bat egin dute aurten sorginen mundua ardatz duten jarduera bateratuak aurkezteko. Hala, sorginak izango dira protagonista bi jaialdien aurtengo edizioetan, urriaren eta azaroaren artean. Bi jaialdiek lelo bere izango dute, “Sorginak-Bruixes”. 24 emakume ilustratzaileren erakusketa bat eta Elisa McCausland eta Diego Salgadok idatzitako liburu bat leitmotiv partekatuaren parte ere dira.
Sorginaren figurak, dimentsio guztietan, beldurrezko zinemaren publikoa liluratzen eta izutzen jarraitzen du, baina esanahi berri bat ere hartu du azken urteotan, emakumeen ahalduntzearen eta zapalkuntza patriarkalaren eta erlijiosoaren aurrean erresistentziaren sinbolo bihurtuz. Horren adibide dira, besteak beste, The Lords of Salem (2012), The Love Witch (2016) eta Akelarre (2020).
Euskal Herrian, sorgina hitzak “zoriaren egile” edo “sortzaile” adiera har lezake. Kataluniako sorginek, aldiz, bruixa hitza erabiltzen zuten, latinezko bruxa edo brutia (“haginkari” edo “zupatzaile”) terminoan jatorria duena. Biek arrasto sakona utzi dute herri-kulturan, eta hori elezaharretan, jaietan eta lekuetan islatu egin da. Euskal Herrian Zugarramurdiko Leizea edo Sorginen Leizea dago, akelarreak egiten ziren lekua. Katalunian Montsoriu gaztelua, Sant Feliu de Sasserra edo Molins de Reiko plaça de les Bruixes daude, sorginak bizi edo biltzen omen ziren lekua.
Fantasiazko eta Beldurrezko Zinemaren Asteak eta TerrorMolinsek ondare kultural komun hori jasotzen du, eta ilustratzaileen erakusketa batekin eta liburu ofizial partekatu batekin ospatuko dute, beste jarduera batzuez gain. Bi zinemaldiak, Donostiakoa eta Molins de Reikoa, hurrenez hurren, urriaren 27tik azaroaren 3ra, eta azaroaren 3tik 12ra izango dira.
Sorginen ilustrazioa
Bruixes – Sorginak – Brujas. Akelarre ilustratua erakusketak komikiari, diseinuari eta ilustrazioari lotutako 24 sorgin biltzen ditu, gure ametsak eta amesgaiztoak zeharkatzen dituen fikzioan, literaturan eta ikus-entzunezkoetan funtsezkoa den irudikapen bati auziak aurkezteko.
Borja Crespok komisariatutako erakusketa erritual honetan, euskal (Ane Pikaza, Raquel Alzate, Higinia Garay, Josune Urrutia) eta kataluniar (Genie Espinosa, Sandra Uve, Susanna Martin, Nadia Hafid) emakume egile ugari daude.
Irudiaren diseinua: JoanJarke
