Nafarroako Gobernuak 1.331 plaza aurreikusten dituen 2024rako Enplegu Publikoaren Eskaintzaren (EPE) proposamena iragarri du. Sektoreka, unibertsitatez kanpoko irakasleentzat 529 plaza aurreikusten dira, 426 osasun-arloko langileentzat eta 376 plaza Administrazio Nukleoarentzat.
Eskaintza bi modalitatetan egituratzen da:
- Erretiroek eta heriotzek utzitako hutsuneak betetzeko birjarpen-eskaintza 756 plazarekin
- Berariazko enplegu publikoaren eskaintza, 575 plazarekin, enplegu publikoan behin-behinekotasuna murriztera bideratuta.
Lanpostuei dagokienez, eskaintza handiena honako hauentzat izango da: bigarren hezkuntzako irakasleak (343 plaza), maisuak (125), erizainak (105), Erizaintzako Zaintza Osagarrietako Teknikariak (101) eta foruzaingoak (78). Azken horien artean 51 plaza eskainiko dira agente berrientzat eta 27 polizia-inspektoreordeentzat.
Birjarpen-eskaintzaren barruan, esan bezala, 756 plaza esleituko dira. Kasu horretan, 294 plaza Administrazio Nukleoaren beharrei erantzuteko bideratuko dira, 279 irakasleei eta 183 osasun-arloko langileei.
Berariazko eskaintzaren kasuan, berriz, 575 plaza esleituko dira. Kasu horretan, plaza gehienak hezkuntza- eta osasun-arloetako langileentzat izango dira, 250 eta 243 hurrenez hurren. Gainerako 82ak Administrazio Nukleoaren beharrak betetzera bideratuko dira.
Deialdiak Nafarroako Foru Komunitateko Administrazio Nukleoan 70 lanpostu mota baino gehiago biltzen ditu.
Argazkia: shutterstock.com
