Aldibereko orgasmora iristeko denbora ez ezik, zure bikotekidea oso ondo ezagutu ere behar duzu. Horretarako, sexualitatearen gaineko ezagupenak beharrezkoak izaten dira. Dena den, harreman sexualak benetan atseginak izateko ez da zertan aldibereko orgasmoa izan behar. Garrantzitsuena, harremana osatzen duten bi kideak gustora egotea da. Gainera, orgasmoa ez da harreman sexual batean ezinbestean eman behar den gauza. Koitoaz gain badira sexualitatearen beste hainbat adierazpen. Hauetako batzuk orgasmora eraman dezakete, baina beste batzuk, orgasmora iritsi gabe ere, oso atseginak izan daitezke.
