![Gero eta gehiago dira karrera zientifikoetara jotzen duten emakumeak](https://i0.wp.com/www.gazteberri.eus/wp-content/uploads/2020/02/p7110.jpg?fit=800%2C600&ssl=1)
Gaur egun, euskal unibertsitateetan ikasketa zientifikoetan graduatzen diren ikasleen artean emakumeak nagusi dira. 2017/18 ikasturtean (Eustatek Unibertsitateko irakaskuntzari buruz argitaratu duen azken datua) zientziak adarretako unibertsitate-graduren bat amaitu zuten 466 ikasletatik, erdia baino gehiago (% 54,1) emakumeak izan ziren.
2013/2014 ikasturtetik 2017/2018 ikasturtera arte izandako bilakaera aztertuz gero, zientzien adarreko graduren bat bukatu dutenen artean emakumeen proportzioa gizonena baino handiagoa dela ikus daiteke.
Zientzien adarrean honako ikasketa hauek sartuko lirateke: Biologia, Biokimika eta biologia molekularra, Bioteknologia, Elikagaien zientzia eta teknologia, Ingurumen zientziak, Fisika, Geologia, Matematikak eta Kimika. 2017/2018 ikasturtean horietako gehienetan emakume gehiago graduatu ziren, gizonak baino; salbuespenak Fisika, Ingurumen zientziak eta Geologia graduetan gertatu ziren, kasu horietan gizonezko tituludunak emakumezkoak baino gehiago baitziren.
![](https://i0.wp.com/www.gazteberri.eus/wp-content/uploads/2020/02/p7110-ilus.jpg?resize=930%2C966&ssl=1)