BBK Bilbao Music Legends Festek zazpigarren ediziorako kartela osatu du The Pretenders taldea iragarriz. Jaialdia ekainaren 14an eta 15ean egingo da Bilbao Arenan.
Jaialdiaren lehenengo egunean, ekainaren 14an, Chrissie Hynde buru duen The Pretenders talde ikonikoa arituko da. Lau hamarkada baino gehiagoko ibilbidearekin, talde honek aztarna ezabaezina utzi du musika eszenan “Back on the Chain Gang”, “I’ll Stand by You” eta “Don’ t Get Me Wrong” bezalako arrakastekin. New Wave-n hasi zenetik soinu berrietara iritsi arte, The Pretenders taldeak pop rockaren abangoardian jarraitu du, eta bere belaunaldiko talderik garrantzitsuenetako bat bihurtu da.
Deep Purple
The Pretenders taldearekin batera, Cheetah Wheelies eta Susan Santos igoko dira agertokira.
Jaialdiaren bigarren egunean, ekainaren 15ean, larunbatean, Deep Purple talde mitikoa izango da buru. Talde horren rock klasikoek belaunaldiak gainditu dituzte eta mundu osoko entzuleak erakartzen jarraitzen dute. Haiekin batera, Canned Heat, Blues Pills eta Petti rock musikari euskalduna arituko dira.
Agertoki nagusiko musikaz gain, jaialdiak Voodoo Child kanpoko terraza gordetzen du tokiko taldeen emanaldietarako, eskualdean sortzen ari den talentuarentzako plataforma bat eskainiz. Aurten, Arnau & The Honky Tonk Losers, Kinki Boys, Nevadah, Sotomonte, The Ribbons eta Ziin & The Melody Breakers bezalako izenak.
Banakako egunetarako sarrerak eskuragarri daude jada, baita bi eguneko bonuak ere, jaialdiaren webgune ofizialaren bitartez: www.musiclegendsfestival.com.
