Gaur egun, euskal unibertsitateetan ikasketa zientifikoetan graduatzen diren ikasleen artean emakumeak nagusi dira. 2017/18 ikasturtean (Eustatek Unibertsitateko irakaskuntzari buruz argitaratu duen azken datua) zientziak adarretako unibertsitate-graduren bat amaitu zuten 466 ikasletatik, erdia baino gehiago (% 54,1) emakumeak izan ziren.

2013/2014 ikasturtetik 2017/2018 ikasturtera arte izandako bilakaera aztertuz gero, zientzien adarreko graduren bat bukatu dutenen artean emakumeen proportzioa gizonena baino handiagoa dela ikus daiteke.

Zientzien adarrean honako ikasketa hauek sartuko lirateke: Biologia, Biokimika eta biologia molekularra, Bioteknologia, Elikagaien zientzia eta teknologia, Ingurumen zientziak, Fisika, Geologia, Matematikak eta Kimika. 2017/2018 ikasturtean horietako gehienetan emakume gehiago graduatu ziren, gizonak baino; salbuespenak Fisika, Ingurumen zientziak eta Geologia graduetan gertatu ziren, kasu horietan gizonezko tituludunak emakumezkoak baino gehiago baitziren.

LEAVE A REPLY

Please enter your comment!
Please enter your name here

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.