Irakurketa denbora: 2 Minutu
Epaimahaiak jada hautatu ditu aurtengo ‘Zure ideiak balio du’ lehiaketara aurkeztutako 61 proposamen berritzaileetatik, ekainaren 2an izango den finalean lehiatuko diren 18 lanak. Antolatzaileek azpimarratu dutenez, parte-hartzea esanguratsua izan da XXI. edizio honetan eta, iazko edizioarekin alderatuta, adibidez, aurkeztutako proposamenen kopurua % 35 altuagoa izan da.
Finalera iritsi diren 18 proposamen horiek kategoria ezberdinetan lehiatuko dira eta 10.000 euro banatuko dituzte saritan. Hauek dira kategoria nagusi bakoitzean hautatutako negozio ideiak. Kategoria bakoitzak babesle nagusi bat du eta, kasu guztietan, irabazleak 1.000 euroko saria jasoko du:
Vital Fundazioak babesten duen ‘Ideia onenaren saria’
- Komunikaziorako eskumuturrekoak
- Mugimendu mugagabea
- Itsaskide
Aclimak babesten duen ‘Ideia jasangarrienaren saria’
- Aidtec
- Biklinga
- Basoplus
Gasteiz Onek babesten duen ‘Merkataritza eta turismo saria
- Arabako herriak
- Hitz ilustratuak
Eroskik babesten duen ‘Nekazaritzako elikagaien ideia onena saria’
- Osagai
- Aquacheck
- Pyo Pyo Farm
Michelin Fundazioak babesten duen ‘Industria-ideia onenaren saria’
- Hexarehab
- STS Potentzia
- Blink Lighting Saddles
I+MEDek babesten duen ‘Osasun esparruko ideia onenaren saria’
- Anni
- Synoptophore the App
- Sudurreko tapoi ekologikoa
Finalisten artean nabarmentzen dira adimen artifizialaren aukerak aprobetxatzen dituzten proiektuak, uraren kalitatea aztertzeko konponbideak, mugikortasun jasangarrirako proposamenak eta soberakinekin elikagaiak sortzea.
Sari bereziak eta hurrengo datak
Kategoria-sarietatik aparte, lehiaketak hainbat aitorpen berezi emango ditu, bakoitza 1.000 eurokoa:
- RPK sari berezia eraldaketa sozial eta enpresarialari
- Mugikortasun eta logistika jasangarria bultzatzeko Mobility Lab sari berezia
- Proiektu-aurkezpen onenari emandako Deustuko Unibertsitatearen sari berezia
- Adimen Artifiziala (AA) hobekien txertatzen duen proiektuari emandako Data Value Management Saria
Publikoaren Sari Berezia ere emango da, 300 eurokoa, aurkezpenetara bertaratzen direnen botoen bidez erabakiko dena.
Finalistek beren proposamenak defendatuko dituzte maiatzaren 12an Gasteizko Europa Jauregian, jendearentzat irekita egongo den ekitaldi batean, alavaemprende.com webgunearen bidez aldez aurretik izena emanez. Irabazleak ekainaren 2an ospatuko den Ekin Day topaketan emango dira ezagutzera.
Ekitaldi berean, lurraldearen enpresa-garapenean lan garrantzitsua egin duen pertsona baten ibilbidea aintzatesten duen Ibilbide Ekintzailearen Saria eta azken 5 urteetako ekimen ekintzaile onena aukeratzen duen Araban Ekin Saria ere banatuko dira.
Gasteizko Udala, Arabako Foru Aldundia, Eusko Jaurlaritza (SPRI Taldea eta BIC Araba bidez) eta Vital Fundazioa dira Arabako lurraldean ekintzailetza sustatzea helburu duen ekimen hau bultzatzen duten erakundeak.
