NOIZBEHINKAKO SEXU-HARREMANAK ERE GOGOBETEKOAK IZAN DAITEZKE. Brenda Ruanoren “Interés y Satisfacción Sexual en la relaciones eróticas sin pareja romántica y estable” ikerlanaren arabera, gizonek zein emakumeek noizbehinkako sexu-harremanekin gozatzen dute. Horrelako harremanek harreman serio batek dituen kostu emozionalak ekiditea ahalbidetzen dute.

Harreman sexualak izateko gurekin den pertsona hori maite behar al dugu? Zein puntutaraino da egia “bakarrik sexua da” esaldia? Galdera horiek erantzun nahian, Brenda Ruano sexologoak bere Master-Amaierako Lanean harreman ‘serioetatik’ kanpo izaten diren harreman sexualak aztertu ditu, hots, bikotekide erromantikorik gabe mantentzen diren horiek. Konpromisorik gabeko sexu-harremanetan bikotekideen arteko lotura edo harremana ez da oso sendoa izaten. Kaleko hizkuntzan, larru-lagun terminoa erabiltzen ohi da, hots, bakarrik sexurako kide bat.

Ruanok egin duen azterlanaren arabera, gazteen % 87k horrelako harremanak izan ditu noizbait. Horietatik, gehienek (% 77k) harreman horiek plazer fisikoa lortzeko mantendu zituztela azaldu zuten. Jasotako beste zenbait erantzun bitxiak dira: “mundu guztiak egiten duelako”, “presio sozialarengatik” edo “plazer emozionalarengatik”.

Brenda Ruano sexologoak egin duen ikerketaren arabera, gizonek noizbehinkako sexu-harremanetarako interes handiagoa azaltzen dute emakumeek baino

Horrelako harremanek harreman serioak hasteko moduak aldatzen ari direla azaltzen dute. Izan ere, aurreko belaunaldietan sexu-harremanak izateko aurretik harreman serio bat izan behar zen. Orain, berriz, sexu-gau bat harreman serio baterako lehen urratsa izan daiteke.

Ruanoren ustez, gazteek, nagusiki, mutilek, sexu-harremanak izan nahi dituzte baina harreman serio batek dituen kostu emozionalei aurre egin gabe. Aipatu azterlanaren arabera, horrelako harremanak dituzten gazteek plazer handia lortzen dute eta, gainera, plazer edo asebetetze-maila harreman mota horiekiko den interesaren araberakoa izaten da, hau da, zenbat eta gehiago bilatu orduan eta plazer gehiago.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.