Donostiako Victoria Eugenia Antzokiak magiarekin ekingo dio 2025. urteari. Izan ere, urtarrilaren 4tik 6ra bitartean izango den ‘Donostia magiaz blai’ galak mundu mailan izen handia duten magoak hartuko ditu. Juan Mayoral eta Violeta Zheng izango dira programatuta hiru ikuskizunen zuzendari artistikoa eta zuzendari eszenikoa, hurrenez hurren.
Donostia magiaz blai
Programazioaren lehengo ekitaldia, ‘Julian y Pendorcho’ argentindarrek zirku, magia eta umorez beteriko gaztetxoei zuzendutako ‘Salaskasim’ ikuskizuna izango da. ‘El circo del Señor Julián’-ekin nazioarteko arrakasta lortu zuen konpainiak, magia trikimailuak pailazo emanaldiarekin batzen dituen proposamena aurkezteko du.
Hurrengo egunean, urtarrilaren 5ean, Karim asturiarrak ‘Solo para adultos’ aurkeztuko du, inprobisazioa eta txinatar itzalen bidez bizitza, maitasuna eta ezkontza jorratzen dituen magia-ikuskizuna. Emanaldiak gonbidatu berezi bat izango du eta “eztei oparoa” promesten du asturiar kulturako elementuen bidez.
Jaialdia Errege egunean amaituko da ‘Munduko magorik onenak’ ikuskizunaren bi emankizunekin, Luis Larrodera aktore eta bakarrizketariak aurkeztuta. Saioa emango duen nazioarteko taldea honako hauek osatzen dute: Ben Rose frantziarra, pianista batekin arituko dena; Nunzia eta Laurent Piront belgiar bikotea, 2022ko munduko magia txapeldunak; Manho Han korearra, Yuji Yasudaren ikaslea; Mikael Szanyiel kanadarra, Marcel Marceauren Mimo Eskolan prestatua; Remi Lasvènes malabarista frantziarra; eta Rudy Coby estatubatuarra, zientzia fikzioa, komedia eta magia uztartzeagatik ezaguna.
Hiru ikuskizunetarako sarrerak antzokiko txarteldegian eta webgunearen bidez eros daitezke.
Argazkia: Donostia Kultura / MIKAEL SZANYIEL
Advertisements
