Datorren urriaren 13an Irati Garcia López de Aguiletak online formatuan eskainiko duen “Edertasun-kanonak: ihes egin al dezakegu beren eraginetik?” hitzaldiak hasiera emango dio Gipuzkoako Foru Aldundiko Gazteria Zuzendaritzak lurraldeko 18 eta 30 urte bitarteko gazteei eskaintzen dien Treba Gazteak 2021-2022 eskaintzari. Ikastaro horretarako izen-ematea jada zabalik da eta urriaren 11n itxiko da. Plazak betez gero, itxarote-zerrenda sortuko da izen-emateen ordenari jarraituz, bajarik egonez gero plazak bete ahal izateko.
Guztira 12 izango dira datorren maiatzera arte luzatuko den programazioaren barruan eskainiko diren ikastaroak. Horietatik guztietatik sei Donostian izango dira, Aldundiaren Gaztegunean, hain zuzen ere. Beste ikastaroak, berriz, Legazpi, Zegama eta Elgoibarren izango dira.
Ikastaroak
- Edertasun-kanonak: ihes egin al dezakegu beren eraginetik? Urriak 13-Donostia. Izena eman
- Osasun mentala: zeure burua ulertzen ikasi. Urriak 22-Zegama.
- Adimen emozionala: zer da sentitzen dudana? Azaroak 6-Legazpi
- Taldea: komunikazioaren indarra. Azaroak 9, 11 eta 23-Donostia
- Osasun mentala: zeure burua ulertzen ikasi. Azaroak 16-Elgoibar.
- Zeharkako gaitasunak; benetan behar dudana ikasiz. Otsailak 16-Donostia
- Zeure burua maitatzen ikasi. Martxoak 4-Legazpi
- Feminismoa: elkar zain dezagun. Martxoak 9-Elgoibar
- Adimen emozionala: zer da sentitzen dudana? Martxoak 25-Zegama
- Design Thinking: zure ideiak ordenatzen ikasi. Martxoa-Donostia
- Sexualitatea. Martxoa-Donostia
- Sexualitatearen koloreak: intolerantziaren aurrean dugun erantzukizuna. Maiatzak 11-Donostia
