Donostiako Egia auzoko liburutegiak jardueraz beteriko programazioa prestatu du maiatzean zehar Friki Harrotasunaren hilabetea ospatzeko. Programazioa lau egunetan garatuko da. Friki Harrotasunaren hilabetea ospatzen hasteko, maiatzaren 10ean, ‘Mahai Jokoen Erauntsia’ izenburupean ospatuko den jardunaldian mahai-jokoak izango dira protagonista. Izan ere, Frikiegiako leloetako bat hauxe da: “friki bat bera ere ez bere mahai jokorik gabe”.
Hurrengo hitzordua maiatzaren 24an izango da. Egun horretan, frikiek mahai-jokoak rol-jokoekin ordezkatuko dituzte. ‘It ‘s only rol, but I like it’ izenburua duen jardunaldian literatura ardatz duten hainbat rol jokoez gozatu ahal izango dituzte bertaratzen direnek. Eskarmentu guztietarako jolasak egongo dira; aurreratuenentzat eta baita hasi berriak diren horientzat ere.
Maiatzaren 29an frikismoak puntu bat egin du gora BIC boligrafoekin egindako cassete birbobinaketaren munduko txapelketaren bigarren edizioarekin. Parte-hartzaileak cassetteak birbobinatzen azkarrenak izateko lehiatuko dira, iraganeko garaietako nostalgia pizten duen trebetasuna.
Azkenik, maiatzaren 31n, ‘Friki Zozketa Handia’ egingo da, eta bertaratzen direnek liburutegiko sari esklusibo bat irabazteko aukera izango dute. Aurreko urteetan eskainitako oparien artean, katiluak, kamisetak, sukaldeko mantalak eta eskuoihalak daude, baina oraingoan sari berezia hondartzako baloi bat izango da.
Jarduera nagusi horiez gain, hilabete osoan zehar, Egia auzoko gazteek liburutegiko dekorazioan eta ordenagailuko joko txikien lehiaketetan parte hartzeko aukera ere izango dute.
