Irakurketa denbora: Minutu 1
Bilboko Udaleko Gazteria eta Kirol Saileko ordezkaritza bat Göteborgen da bertan egiten ari diren STEAM Hezkuntzaren Etorkizunari buruzko Europako I. Biltzarrean. Taldeak, Itxaso Errota zinegotzia buru dutelarik, ‘Bilbao Gazte Steam’ estrategia aurkeztuko du STEAM gaitasunak hezkuntza ez-formalean bultzatzeko jardunbide egokiarenadibide gisa.
STEAM biltzarra
Suedian egiten ari diren lehen biltzar hori STEAM Aliantzaren markoan antolatu da. Europan STEAM hezkuntza genero-ikuspegiarekin sustatze helburu duen aliantza horren kide da Bilbo. Aliantzak erakundeak, ikastetxeak, arduradun politikoak, kultura- eta sormen-industriak, enpresak, ikerketa-institutuak, start-up-ak, CCIak, enpresa teknologikoak, museoak, eta enpresa-, ikerketa- edo prestakuntza-ikuspegi batetik STEAM hezkuntzan interesa duten pertsonak bildu nahi ditu.
Aldi berean, STEAM Hezkuntzaren Etorkizunari buruzko Europako I. Biltzarrak plataforma berritzaile bat aurkeztu du, STEAM hezkuntzaren eta berrikuntza pedagogikoaren arloetan lankidetzan aritzeko eta ideiak trukatzeko. Bilbok plataforma horretan parte hartzen du, “Bilbao Gazte STEAM” udal-eredua eta -estrategia partekatuz.
Bilbao Gazte STEAM
Bilbao Gazte STEAM estrategia hiri-ekimena da, gazteei STEAM arloan (Zientzia, Teknologia, Ingeniaritza, Artea eta Matematika) prestakuntza eta aukerak eskaintzeko asmoarekin. Estrategia honek hiru helburu nagusi ditu:
- Gazteen artean STEAM ikasketen eta karreren inguruko interesa piztea, bereziki neska gazteen artean.
- Enpresa, unibertsitate eta hezkuntza eragileen arteko lankidetza publiko-pribatua sustatzea.
- Bilbon STEAM talentua garatzeko azpiegitura eta programak sortzea.
Ekimenak jardunaldi, tailer, bekak eta beste jarduera batzuk hartzen ditu barne, gazteei STEAM eremuetarako sarbidea eta motibazioa errazteko. Hiriko barruti bakoitzean STEAM gune bat dagoen arren, hiru dira bereziki arlo honetan nabarmentzen direnak: Basurtuko La Perrera, Otxarkoagako Ramoni eta Zazpikaleetako Esperantza. STEAM estrategiaren barruan garatzen diren programak dira, adibidez, First Lego League, Green Power, World Robot Olympiad, Bizilabe edo kolonia teknologikoak.
Argazkia: bilbao.eus
Advertisements
