“Zu zeu zara poesia hondartzan birziklatzen duzunean” sentsibilizazio-kanpaina egingo da uda sasoian Gipuzkoako kostaldeko zortzi udalerrietako hondartzetan. Mutrikun, Deban, Zumaian, Getarian, Zarautzen, Orion, Donostian eta Hondarribian garatuko den kanpaina horren helburu nagusia hondakinak gaika biltzea da.
Ekimen horren helburu nagusia da paperontzien erabilera egokia sustatzea eta sentsibilizazioa bultzatzea, herritarrek hondakinak bereizi eta gaika bil ditzaten. Helburu hori lortzeko, haurrentzako jolas-jarduerak, tailer interaktiboak, antzerki-emanaldiak, “erraldoi” izenez ezagutzen diren figura tradizionalen emanaldia eta informazio-gune iraunkor bat garatuko dira.
Kanpaina
Informazio-puntuetan etxola marradun batzuk daude, hondartzetako aldagailuak imitatzen dituztenak. Marren koloreek dauden edukiontzien koloreei egiten diete erreferentzia. Etxola horietan, hondartzen erabilera arduratsu eta iraunkorrari buruzko gomendioak emango dira, hondakinak gaika bereizteak duen garrantziaz sentsibilizatuko dira herritarrak, eta plastikoak ozeanoetan duen eragin negatiboaz kontzientziatuko dira.
Informazio-guneaz gain, Emauseko talde espezializatu batek hainbat jarduera egingo ditu herritar guztientzat, ekonomia zirkularra, berrerabilera eta klima-aldaketa ardatz hartuta. Jarduera horien artean daude “arrain-bankua”, material birziklatuekin egindako txotxongiloak, “pentsamenduen liburua”, “birziklatzearen ginkana” eta “hondakinen tribiala”. Ekimena abuztuaren 20ra arte gauzatuko da eta Gipuzkoako Foru Aldundiko Jasangarritasun Departamentuak antolatu du, Emaus Gizarte Fundazioarekin, Mater Museoarekin eta Indigo Produkzioekin elkarlanean.
