Komunera joateko etenaldi erregularrak beharrezkoak izateaz gain, laneko kontzentrazioa eta eraginkortasuna handitzearekin ere lotuta daude. Jobatus.es enplegu-atariak 4.563 erabiltzaileri egindako inkesta baten arabera, komunera egindako bisitek berebiziko garrantzia dute langileen ongizate orokorrean eta produktibitatean.
Azterlanak adierazten duenez, batez beste, langileek 2 eta 5 bisita bitartean egiten dituzte bainura beren lanaldian. Kopuru hori aldatu egiten da lanaren izaeraren, industria motaren eta langilearen adinaren arabera. Adibidez, bulegoetan lan egiten duten inkestatuen arabera, egunean bost bisita egiten dituzte batez beste, eta ostalaritzan, berriz, hiru. Kontrakoa pentsa badaiteke ere, gazteak dira lanaldian zehar bainugela gehien bisitatzen dutenak.
Masturbazioa
Azterlanaren datu harrigarrietako bat da inkestatuen % 4,29k onartu duela gutxienez behin masturbatu dela lanean. Masturbatzen diren horien artean, gehienak (% 87,75) gizonak dira eta % 10,71 emakumeak. Kopuru horiek nabarmen egiten dute gora telelanaren kasuan. Etxetik gutxienez astean behin lan egiten duten inkestatuen % 62,05 lan-ordutegian masturbatzen da (% 64,96 gizonak eta % 34,18 emakumeak).
Telelanean masturbatzea onartzen duten horien artean gehienek ( % 93,84) uste dute etenaldi horiek beharrezkoak direla kontzentratzeko eta produktibitatea handitzeko. Masturbazio erregularrak endorfina-mailak igotzen ditu eta kortisol-mailak, estresaren hormona, murrizten ditu; horrek tentsioa eta estresa arintzen laguntzen du.
Madril, Murtzia, Gaztela-Mantxa, Gaztela eta Leon, Asturias eta Katalunia dira lanean masturbatzen maiztasun handiena duten autonomia-erkidegoak. Txanponaren beste aldean, Euskadiko, Kantabriako, Aragoiko, Galiziako eta Errioxako herritarrak aurkitzen dira; horiek baitira lan-ordutegian gutxien masturbatu ohi direnak.
Azterlanak laneko sexu-harremanei buruzko datuak ere ematen ditu, inkestatuen % 2,52k onartzen baitu lantokian gutxienez behin izan dituela harremanak. Guztizkoaren % 74,78k lankideekin izan zituen sexu-harremak, eta % 25,21ek, berriz, kanpoko pertsona batekin, hala nola bezero edo bikotekidearekin.
