Irakurketa denbora: Minutu 1
Irakurketa denbora: Minutu 1Otsailaren 11n ospatzen den Internet Seguruaren Egunaren harira, EHUko IRTIS taldearen parte-hartzea duen EU Kids Online sareak teknologiaren eta nerabeen ongizatearen arteko harremana aztertzen duten hamabost ikerketaren emaitzak aurkeztu ditu. Ondorioek erakusten dute teknologia digitalen eraginak nabarmen aldatzen direla erabiltzaileen ezaugarri indibidualen eta erabilera-ereduen arabera.
Erabilera-ohitura da aldagai nagusia
Proiektuko ikertzaile David Smahel-ek azpimarratzen duenez, ezinezkoa da hedabide digitalen eragin unibertsalak ezartzea. Nerabe batzuek eduki bortitzak ikusten dituzten bitartean, beste batzuek Internet ikasketa-tresna gisa erabiltzen dute. Ildo berean, sare sozialak onuragarriak edo kaltegarriak izan daitezke erabilera-testuinguruaren arabera.
Smartphonearen erabilerari dagokionez, ikerketan ageri da nerabeen % 20ak estres-maila handiagoak dituela erabileraren arabera. Hala ere, Michaela Šaradínek zuzendutako beste ikerketa batek nabarmentzen du erabilera-modua pantaila-denbora osoa baino erabakigarriagoa dela, bereziki estresagarria izanik egunean zeharreko etengabeko erabilera.
Ikerketak datu harrigarriak eskaintzen ditu gaueko atsedenari buruz. Espero zenaren kontra, telefonoa lo egin aurretik gehien erabiltzen duten nerabeek lehenago oheratzeko eta denbora gehiagoz lo egiteko joera dute. Aldiz, ordenagailu eta eramangarrien erabilerak bai erakusten ditu eragin negatiboak atseden-ordutegietan.
Online joko sozialei dagokienez, ez da eragin esanguratsurik aurkitu depresio-egoeretan, nahiz eta bakardade-sentsazioan murrizketa txiki bat hauteman den, generoen artean desberdintasun nabariak azaldu direlarik. Ikerketaren atal horretaz arduratu den David Lackoren arabera, aldaketa horiek azal litezke mutil eta nesken arteko jokatzeko motibazio desberdinen ondorioz.
Emaitzak nerabe txekiarretatik badatoz ere, EU Kids Online EHUko kideen ustez gure testuingurura estrapola daitezke, aurreko ikerketek erakutsi baitute Interneten erabileran portaera-ereduak antzekoak direla herrialdeen artean, eta desberdintasun nabarmenagoak daudelaadinagatik kokaleku geografikoagatik baino.
Argazkia: shutterstock.com
Advertisements
