Algaraklown elkarteak 2024ko Gipuzkoako Boluntariotza Saria jaso du. Gipuzkoako gizarte-erakundeek ematen duten aintzatespenak 30. edizioa ospatu du aurten.
Algaraklown 2012an sortu zen ospitaleetako pailazoen nazioarteko ereduei jarraituz eta, gaur egun, 12 artistaz eta laguntza-lanak egiten dituzten 50 boluntario baino gehiagoz osatutako taldea du. Beren lana haurren eta haien familien ospitaleko esperientzia eraldatzean oinarritzen da, umorea eta enpatia erabiliz.
Algaraklown taldeko pailazoak dira:
- Saioa Aizpirua, ‘Pantxineta’
- Peio Arnaez, ‘Filipo’
- Karmele Etxeberria, ‘Pantxis’
- Raul Luis, ‘Pistatxo’
- Zaira García, ‘Xiri-miri’
- Irene Alkiza, ‘Paladita’
- David Eraso, ‘Blankotxo’
- Irantzu Mantxo, ‘Xuxu’
- Txefo Rodríguez, ‘Kurrusko’
- Anduriña Zurutuza, ‘Puxika’
Goienetxe Fundazioarekin eta bere zentroekin ere elkarlanean aritzen den Algaraklown elkartea umorea ongizate eta laguntza emozionalerako tresna bihurtzeko duen gaitasunagatik saritu dute. Berrikuntza gisa, edizio honetan, ohorezko aitorpenaz gain, Algaraklownek 2.500 euroko dirulaguntza jaso du.
Gipuzkoako Boluntariotza Saria
Aurtengo sariak bere funtzionamendua doako prestakuntzan eta lankidetza komunitarioan oinarritzen duen elkarte baten lana nabarmentzen du, ospitale eta egoitzetara alaitasuna eta gizatasuna eramateko, entretenimendua ez ezik, une zailetan laguntza emozionala ere emanez.
Argazkia: Gipuzkoa.eus
Advertisements
