Irakurketa denbora: Minutu 1
Ekainaren 27tik, “Artistak egoitzan 2024/25: eskuratze berriak” erakusketa ikus daiteke Bilboko Uribitarte40 aretoan. Erakusketak estudio-lagapeneko beka modalitatean egonaldia egin duten hamalau artisten azken ekoizpenak biltzen ditu. Irailaren 7ra arte doan bisitatu ahal izango den erakusketako pieza guztiak BilbaoArte Bildumara gehituko dira.
Erakusketa
Ikusgai diren lanen artean daude, adibidez, instalazioak, eskulturak, bideoak eta performence-ak. Horiek guztiek arte garaikidearen egungo joerak islatzen dituzte. Proposamenen artean giza gorputzaren muga fisikoen inguruko esperimentuak, abstrakzio fotografikoaren inguruko ikerketak, Eibarko arma-industriaren industria-birmoldaketan oinarritutako eskultura-proiektuak edo identitate artistikoaren dekonstrukzioa aztertzen duten lanak nabarmentzen dira.
Erakusketak barne hartzen ditu, halaber, hiri-espazioak birpentsatzeko berrikuntza teknologikoa duten diziplina arteko piezak, espazioarekin elkarreragiten duten konposizio geometrikoak eta igeriaren performatibitatea eta fonazio-aparatuak lantzen dituen ariketak konbinatzen dituzten bideoak. Lan batzuek giza emozioak eskultura eta performance bihurtzen dituzte, eta beste batzuek, berriz, “ukimen-irudiak” sortzen dituzte, dimentsio desberdinen artean.
BilbaoArte Bildumak era guztietako diziplina eta praktika garaikideak biltzen dituzten 600 pieza baino gehiago ditu. Bildumak artista egoiliar bakoitzak BilbaoArte Fundazioari 1998tik egiten dizkion lagapenetan du jatorria, erakundeak emandako laguntzaren ordainetan.
2023. urtean Eusko Jaurlaritzak bilduma hau ofizialki aintzatetsi zuen Euskadiko Museoen eta Bildumen Erregistroan.
