Irakurketa denbora: 2 minutu
Abian da Gasteizko Udalak antolatzen duen FotoArte argazki-lehiaketaren aurtengo edizioa. Lehiaketak jarduera artistikoa islatzen duten argazki-irudiak saritzen dituen horren edozein faseetan: prestakuntza, sorkuntza, erakusketa edo kontsumoa.
Aurtengoa edizioa berezia da, lehiaketaren XX. edizioa izango baita. Edizio honetako gai nagusia ‘Arteak eta ofizioak’ izango da eta omenaldia egingo dio bere 250. urteurrena ospatzen duen Gasteizko Arte eta Lanbide Eskolari. Erakunde honek tokiko artistentzako sari berezi batekin eta beste jarduera osagarri batzuekin lagunduko du.
Oinarriak
FotoArte argazki-lehiaketaren aurtengo edizioan parte hartzeko epea martxoaren 18an amaituko da. Lehiaketan parte hartu ahal izango dute Estatuan bizi diren 18 urtetik gorako pertsona guztiek. Parte-hartzaile bakoitzak, gehienez, bi lan aurkeztu ahal izango ditu. Irudiek norberak egindakoak eta beste lehiaketa edo proiektu batean saritu gabekoak izan beharko dute.
Lehiaketak edozein teknika edo prozedura onartzen du, digitala edo laborategikoa, bai koloretan bai zuri-beltzean. Adimen Artifizialarekin sortutako lanak guztiz debekatuta daude. Argazkiak JPG formatuan aurkeztu beharko dira, alde handienean 2.000 pixeleko tamainarekin, izenik edo bereizgarri pertsonalik agertu gabe, ezta artxibo digitalaren metadatuetan ere.
Gasteizko Udaleko Kultura Zerbitzuak izendatutako argazkigintzaren munduarekin lotutako hiru profesionalek osatutako epaimahai batek 32 lan aukeratuko ditu jasotako irudi guztien artean. Aukeratutako lan horiekin erakusketa kolektibo bat egingo da 2025eko bigarren lauhilekoan hiriko gizarte etxeetako erakusketa aretoetan eta udalaren webguneko espazio birtual batean.
Sariak
Lehiaketak, guztira, 2.400 euro banatuko ditu saritan. Irabazleak 1.000 eurokoa saria jasoko du, bigarrenak 700 eurokoa eta tokiko artistarik onenak 400 euro. Sari horiez gain, 150 euroko bi accesit ere banatuko dira. Gainera, tokiko kategoriako irabazleak beka bat jasoko du Arte eta Lanbide Eskolan urtebetez doan ikasteko.
Tokiko artista sarira aurkezteko, parte-hartzaileek Gasteizen bizi, lan egin edo ikasi behar dute. Hautatuak izanez gero, egoera hori justifikatu beharko dute. Sari honetan sartzen den beka ALEk 2025-26 ikasturtean eskaintzen dituen urteko tailer guztietan erabili ahal izango da. Sari hori ez da transferigarria eta ezin izango da haren zenbatekoa eskudirutan eskatu.
Epaimahaiaren erabakia apirilaren 11n jakinaraziko da udalaren webgunearen bidez, eta sari-banaketa maiatzaren 29an egingo da El Pilar gizarte etxean.
Argazkia: PENITENCIA II. Arka Devbil. FotoArte 2024 lehiaketako irudi irabazlea
Advertisements
