Irakurketa denbora: 2 minutu
Irakurketa denbora: 2 minutuIruñeko Emakumeen Etxeak martxoa eta ekaina bitartean garatuko den udaberriko programazioa aurkeztu du. Programazioa 28 jarduerekin osatu da. Programak 28 jarduera ditu eta horien xede nagusia da emakumeei ikusgarritasun handiagoa ematea eta berdintasunaren alde eta diskriminazioaren aurka lan egitea.
Jarduera guztiak doakoak dira, baina izena eman beharko da aldez aurretik. Izena emateko epea martxoaren 3ra arte izango da zabalik eta 010 (948 420 100) telefono zenbakiaren bidez egin beharko da. Eskainitako plazak beteko ez balira, interesdunek Emakumeen Etxean bertan eman ahalko dute izena, 948 110230 telefonora deituz edo posta elektronikoz casadelasmujeres@pamplona.es helbidean.
Programazioa
Programatutako jardueren artean bi erakusketa daude. Lehena, martxoaren 3tik 18ra bitartean ikusi ahal izango den “Stop feminizidioak” izenburuko erakusketa da. Stop Feminizidioak Plataformak eta ACMPk antolatua, erakusketa honen xedea da 2024an Espainian gertatutako erailketa matxistak ikusaraztea.
Bigarren erakusketa, “Gehiago gara. Somos más. Desgaitasuna duten emakumeen ahotsak” izenburua du eta apirila osoan zehar ikusia ahal izango da. CERMINek antolatu duen erakusketa honetan desgaitasuna duten emakumeen ibilbide pertsonal eta profesionalak ezagutzera emango dira.
Programazioari hasiera emango dion jarduera, martxoaren 6an, Rebeca Echávarrik emango duen ‘Discriminación hacia las mujeres antes de nacer: también ocurrió aquí’ izenburuko hitzaldia izango da.
Emakume Langilearen Nazioarteko Eguna ospatzeko, martxoaren 8an, topaketa berezia antolatua da Emakumeen Etxean bertan 11etatik aurrera. Bertan, arratsaldean izango den manifestaziora eramango diren pankartak prestatuko dira. Egun berean, 18:30etan, Lunes Lisasek ‘Mirada feminista al envejecimiento de las mujeres’ izenburuko hitzaldia eskainiko du.
Apirilerako, aipatu erakusketaz gain, lau jarduera antolatu dira. Apirilaren 8an, 17:30etatik aurrera, CERMINek dokumental bat eskainiko du eta, ondoren, bertan jorratzen den gaiaren inguruan eztabaidatzeko aukera izango da. Apirilaren 15ean, ‘Indarkeria bikarioa: emakumeen aurkako indarkeriaren aurpegirik ankarrena’ hitzaldia izango da. 26an, berriz, Ikusgarritasun Lesbikoaren Eguna ospatuko da hainbat jarduerarekin. Hilabetea emakumeen kontrako indarkeria egoerak identifikatzeari buruzko Ariadna García Pradoren hitzaldi batekin amaituko da.
Maiatzaren 13an ‘Investigación de las interacciones entre alumnado y profesorado con perspectiva de género’ azterketaren aurkezpena egitea aurreikusten da. Maiatzaren 24an, berriz, ‘Acompañar en el duelo en la migración desde el cuidado feminista y antirracista’ hitzaldiaren saio bikoitza izango da goizean eta arratsaldean.
Amaitzeko, ekainaren 11n, ‘Inpostorearen sindromea’ izeneko jarduera programatu da.
Tailerrak
Programazioa osatzeko 15 tailer eskainiko dira udaberria osoan zehar. Larunbat arratsalde guztietan etxeko langileen lan-aholkularitza eta laguntza tailer bat egongo da, baita batukada feminista eskola ere martxoaren 15etik aurrera. Asteazken arratsaldeetan, martxoaren 5etik apirilaren 9ra bitartean, berdintasunerako podcast bat sortzeko tailer bat emango da, eta bizikletarekin lotutako jarduerak ere antolatuko dira. Ostegunetan xake tailer bat ere egongo da eskuragarri.
Eskaintza osatzeko, pelbis-zoruaren ezagutza eta zaintzei buruzko tailerrak, hiri-ingurunearekin sentsibilizatzeko jarduerak, landare basatien tailer bat, zineforum feminista, irakurketa-klub queer bat, solasaldi-arratsaldeak, emakumeak aldaketa-eragile gisa trebatzeko ikastaroa, mikromachismoei buruzko ikastaro bat, adimen artifizialari buruzko tailerra ikuspegi ekofeminista batetik, eta zaintzaileentzako zaintza-tailer bat izango dira.
