Iruñeko Kondestablearen Jauregian ‘Ogitartekoak baino gehiago: Komikia & Gastronomia’ erakusketa dago ikusgai irailaren 27ra arte. Bertan, komikigileek diseinatutako 144 lan eta lau ardo-etiketa daude ikusgai. Erakusketa irailaren 4tik 27ra bitartean egingo den Nafarroako XVII. Komiki Azokaren egitarauaren barruan kokatzen da.
Afundaciónek (ABANCA) antolatutako erakusketak, Gastronomiako Errege Akademiaren, Iruñeko Udalaren eta Tiza Elkartearen laguntzarekin, komikiaren eta gastronomiaren arteko harremanean barrena bidaia egiten du lau ataletan bidez.
Lau atal eta 144 obra
Lehen atalak elikadurarekin harreman berezia duten pertsonaiak biltzen ditu, hala nola Carpanta, ‘Las aventuras del Capitán Trueno’ komikiko Goliath, eta Ana Oncinaren Kroketa eta Enpanadilla. Bigarren atala ‘El Jueves’ aldizkariaren elkarlanari esker sortu da; bertan, hamabost marrazkilariren 53 lanek hainbat jatetxe motari buruzko ironia egiten dute. Horiez gain, beste hamaika lan ere ikus daitezke, tartean César Oroz marrazkilari nafarraren bi.
Sukaldariei buruzko argitaratu gabeko 24 lan
Hirugarren atalak 43 lan biltzen ditu. 1997an Karlos Arguiñanori buruz egindako lehen komikiarekin hasi, eta 2026rako eta 2027rako aurreikusita dauden Dabiz Muñoz edo Alberto Chicote bezalako sukaldarien inguruko ekoizpen-lanetaraino iristen da. Gainera, Afundaciónek emakumeak protagonista dituzten argitaratu gabeko 24 lan ekoitzi ditu, gastronomiaren gaur egungo errealitatea islatzeko.
Lehen atalak elikadurarekin harreman berezia duten pertsonaiak biltzen ditu, hala nola Carpanta, ‘Las aventuras del Capitán Trueno’ komikiko Goliath, eta Ana Oncinaren Kroketa eta Enpanadilla
Laugarren atalak Quim Vila enologoa du ardatz; bertan, Francisco Ibáñezen jatorrizko marrazki bat eta marrazkilari ezagunek diseinatutako lau ardo-etiketa biltzen dira.
Saloiak hamahiru erakusketa, egileen sinadura-ekitaldiak, tailerrak, bisita gidatuak eta zuzeneko sorkuntza biltzen ditu, bere webgunean eskuragarri dagoen programazioarekin.
