Nafarroako Gazteriaren Institutuak (NGI) eta Más Planeta elkarteak Naukas Navarra “Más Planeta Next-Gen” jardunaldia aurkeztu dute. Gazteei zuzendutako zientzia-dibulgazioko topaketa hau urriaren 3an ospatuko da Iruñeko Civivox Pompelo aretoan. Hitzorduaren helburua zientzia, berrikuntza eta pentsamendu kritikoa Nafarroako gazteei hurbiltzea da, formatu dinamiko eta irisgarri baten bidez.
NGIko zuzendari kudeatzaile Txema Burgaletak defendatu duenez, mota horretako ekitaldiek zientzia modu ludiko eta zorrotzean hurbiltzen dute, eta gazteei tresnak ematen dizkiete erronka ekosozialak ulertu eta horiei aurre egiteko. Burgaletaren arabera, ekimenak ez du arazo konplexuei erantzun sinplerik eman nahi. Mundua hobeto ulertzeko tresnak eskaintzen ditu, informatutako eztabaida sustatzen du eta gazteei aukera ematen die gizartearen etorkizuna zehaztuko duten elkarrizketetan parte hartzeko.
“Mundua hobeto ulertzeko tresnak eskaintzen ditu, informatutako eztabaida sustatzen du eta gazteei aukera ematen die gizartearen etorkizuna zehaztuko duten elkarrizketetan parte hartzeko”. Txema Burgaleta
Hamabi hitzaldi-bloke ekosozial
Joaquín Sevilla nafar dibulgatzaileak, Más Planetako kideak, ziurtatu du aldi berean zorrotza eta dibertigarria izan daitekeela, eta ezagutza zientifikoak ikuskizun interesgarri eta erakargarriak antolatzeko aukera ematen duela. Sevillak gogorarazi du Naukas-ek antzeko topaketak antolatzen dituela Bilbon duela hamabost urtetik, publikoaren harrera handiarekin.
Jardunaldia Javier Peláez eta Antonio Martínez Ron dibulgatzaileek —elDiario.es hedabideko zientzia-arduraduna— gidatuko dute. Zientziari zein erronka ekosozialei buruzko hamabi hitzaldi-bloke biltzen dituen topaketa honetan ikertzaileek, unibertsitateko irakasleek eta komunikazioko profesionalek hartuko dute parte.
Institutuan lortutako bi plaza
Aurretik, joan den irailaren 25ean, Tuterako Benjamín de Tudela BHI institutuak Pre Naukas Next Gen jardunaldia hartu zuen. Bertan, Batxilergoko 2. mailako ikasleek erronka ekosozialei buruzko dibulgazio-proiektuak aurkeztu zituzten. Topaketa horretatik bi parte-hartzaile atera ziren, Iruñeko Naukas jardunaldian plaza bana lortuta.
