Estatuko ikertzaile talde baten arabera, gaur egun hain modan dauden piercing falikoek aintzinako gauza dira. Aipatu ikertzaileek jada prest dute datozen asteetan The Journal of Urology aldizkarian argitaratuko den artikulua. Honen arabera, Goi Paleolitikoko gizonek jada piercing-ak eta tatuaiak egiten omen zituzten bere zakiletan. Baieztapen eztabaidagarria izan badaiteke ere, ikertzaileek hainbat aztarna aurkitu dituzte Europan zehar, batez ere, duela 38.000 eta 11.000 urte bitartean doan garaikoak.
Ikerketaren arabera, itxura falikoa duten 42 aztarna aurkitu dira. Hauetako hogeitamarretan, hots %71,4tan, helburu apaingarria omen zuten zulo eta ebakidurak aurkitu dira. Ikertzaileen aburuz, “aurkitu diren aztarnen diseinuak ebakidura, piercing eta tatuaiei dagozkie”.

Homo Sapiens
Ikerketan parte hartu duen ikertzaileetako bat Getafeko Unibertsitate Ospitaleko Javier Angulo da. Angulo aurrehistorian aditua den urologoa da eta aurkitutako aztarnak defendatzen ditu gaur egungo zenbait herri edo kulturetan ikus daitezkeen ohituretan oinarrituta. “Gaur egun, badira zakileko azala desitxuratzen duten zenbait indiar tribu. Goi Paleolitikoan Homo Sapiens-ak bizi ziren, gu bezalakoak, eta haiek ere apaintzea zuten gustoko” azaldu du Angulok.
Ikerketan parte hartu ez duten beste aditu batzuek zalantzan jarri dituzte baieztapen hauek guztiak. Horrela, Madrilgo Unibertsitate Autonomikoko Aurrehistoriako katedraduna den Javier Baenaren iritziz, “gai hauek beti aburuen esparruan mugitzen dira”. Baenaren ustez, egin diren baieztapenak ontzat emateko, 10.000 urte baino gehiago dituen zulatutako zakil bat aurkitu beharko litzateke aztarnategi batean.
Ezinezko gauza badirudi ere, 1991an Alpeetako glaziar batean aurkitutako 5.300 urte zituen gorpuan tatuaiak aurkitu ziren.

SHARE

LEAVE A REPLY

Please enter your comment!
Please enter your name here

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.