OMEk ezagutzera eman dituen datuen arabera, Europako hegoaldeko herrialdeetako haurren % 20 inguruk gehiegizko pisua du

Osasunaren Mundu Erakundearen Haurren Obesitatearen Zaintzarako Ekimenak ezagutzera eman dituen datuen arabera, Italia, Zipre, Espainia, Grezia eta Malta dira, Europa-mailan, haurren obesitate-tasa altuena duten Estatuak. Batez beste, aipatu herrialde horietan, bost haurretatik batek gehiegizko pisua du. Txanponaren beste aldean, berriz, Frantzia, Norvegia, Irlanda, Letonia eta Danimarka aurkituko lirateke, % 5 eta % 9 bitarteko tasekin. Europako hegoaldean jasotako datuak kezkagarriak diren arren, azken urteetan haurren obesitate-tasak behera egin duela azpimarratu behar da.

Ikerketa horretan 38 herrialdek hartu dute parte eta, hainbat urtez, 6 eta 9 urte bitarteko 250 000 haurrei pisua eta altuera kontrolatu zaie. Hainbat herrialdetan, gainera, elikadura-ohiturak ere aztertu dira. Horrela, fruta egunero jaten duten haurrek obesitate-maila baxuagoa dutela ikusi da. Ostera, pizza, patata frijituak, hanburgesak edo saltxitxak jaten dituzten horiek, gehiegizko pisua izateko joera dute.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.